" يمكن تكون "
حاصل جمع شوية احباطات
وكام فكرة سلبية وشوية اهات،
وسلسلة من مجموعة فشلات
وانحصار وتقوقع كامن داخل الذات،
وعدم نجاح في اي قرارات
وخيبات امل متكررات،
يمكن تكون مليان اساءات
وجراح ماضي وكدمات،
وتعفن نفسي بدون شفاءات
وغياب كامل لاي التأمات،
يمكن تكون ساعتك وقفت ما بتمشيش
ووقف بيك الزمن ومش عارف تعيش،
او غرقان في ذكريات سيئات
وراح منك الحاضر ذي الماضي اللي فات،
يمكن تكون اتوجعت كتير
ومحدش جنبك له في حياتك اي تاثير،
ومهما اتقدمت في حياتك بالتفكير
بترجع تنهزم قدام عدم وجود اي تغير،
يمكن تقول انا وحيد
ومفيش في حياتي اي جديد،
لكن ظلام عمال يغطي و يزيد
والا حتي بصيص نور جاي من بعيد،
وكل حاجة بقا طعمها مر
واللي جاي مش بيفيد لكن بيضر،
يمكن تكون في الحزن وقعت وغصت
وفي الوحل انطرحت واستسلمت.
"في الوقت داه. في الوقت داه"
ارفع لفوق عنيك
هو بس اللي يعرف يطلعك من كل ضيق،
ولما الحياة بيك بتضيق
امسك فيه اكتر وقوله مع اللي قال مش ممكن ارخيك،
هو عارف موطن الداء
وهو كمان اللي في ايديه الدواء،
ماتسيبش نفسك تطوحها الظروف
وحط ثقتك فيه هو ينجيك من كل خوف،
ماتسيبش حاجة تغيبك عنه
والا في يوم تضيعك منه.
