لما الغيوم
لو كان جواك الكلام ده :
هموم و حزن جوه قلبك مكتوم
و جواك صراخ و عويل مش مفهوم
و نفسك تنادي بصوتك تنده للأعالي فينك يا فادي
فينك في وسط ظروفي و صعابي
وسط همومي و حزني و جراحي
فينك يا فادي وسط تنهدي و نواحي
بكلمك و قلبي موجوع مليان بالضياع
بكلمك و جواي روح ملياني بالخداع
و مش عارف ليه جواي صراع
و الحزن بقي مكاني و الدموع هي تعبير نفسي و كياني
فكلامي ليك :
لما الغيوم تملي الحياة
و الهم يزيد و يهرب طوق النجاة
و العقل يفكر حزين
و القلب يبكي مسكين
و تختلط المشاعر بحزن كأنة محفور من سنين
لازم تثق أن في وسط كل الأنين
هيتكلم ملك الملوك العلى المتسلط في مملكة البشر لأنه هو الإله الأمين
و يكون كلامه ليك فرح يزيل دمع العين
لأنه بيحبك ده أنت ابنة الغالي الثمين
اللي عنك نزل من السماوات
و ساب مجده و رضي ينزل لأرضنا و يتحمل الإهانات
عشان يمر في كل الظروف الموجودة في ارض الصعوبات
ويعلن ليك أنك تقدر تعدي رغم الأتعاب وتدوس برجليك على المشاكل اللي زى الحيات
و أعطي ليك الحق انك تغني و تنشد أعزب الألحان
و أفرح لأن إلهنا هو اللي ليه كل سلطان
و أوعي تخاف تقرب ليه ده هو الوحيد اللي عنده الحنان
و عند رجليه هتلاقي ليك مكان
و في حضنه هتلاقي الأمان
ده إلهنا أعظم أله هو أله الإحسان
صدقني مفيش غيرة حاسس بيك
مفيش غيرة هينفع يمسح كل دموع عينيك
قوم و انهض من الأحزان ده إلهك حي و في انتظارك و صدق انه مش مجرد كلام
صدق وعودة القوية ليك و أن مش ممكن يكون ناسيك
و أوعي تفتح لإبليس المجال انه يحاربك و يدخل معاك في قتال
ده إلهنا أعلن من سنين أن النصرة لينا و مفيش مجال للاقتتال
