قصة حياة الحمار

قصة حياة الحمار

دى يا ناس حكاية حــمــــار عايش وسط مجموعة حمير

كانوا كلهم عايشين سُــعدا لكن فرحهم كان وقته قـصـيــر

ونهارهم كل يوم زى ليلهم ومافيـــهوش أى تــطـــويــــر

وفى يوم فـكــر الحمــار وأخد مع نفسه قــرار خــطــيــر

قرر يشرب من البير المسحورة اللى مكتوب عليها تحذير

أوعـــى تشـرب منها يا حمار ليحصل فى حياتــك تغيـيـر

خليك زى ما انت سعيد فرحان زى باقى إخواتك الحمـيـر

وشرب الحمار من البير .. شرب بعد طول تــفــكـيـــــــر

وبقى الحـــمــار على طـول حــزيـن والفرح منه بيطيــر

وباقى الحمير حواليه سُــعدا على طول ومن غير تـفسـير

واترفض الحمار من كل إخــواته مــن دون أى تـبـــريــر

قالوله ماينفعش تعيش معانا وتسبب لنا اكــبـر تــكـــديـــر

معانا لازم تبقى حمار سعيد وماتعملش نفـســك كــبـــيـــر

وعاش الحــمار فى صــــراع وفى قـلـبه ألــــم مــــريــــر

هل يفضل يشرب من البير ويمشى المـــشــوار العــســـير

ولا ينـســــــى ويعيش حياته ويريح نفسه من كتر التدويـر

فكر الحمـار وأخـد قـراره بعد الـشــك والـلــف الكــتــيـــر

هاشرب من البير وأحـزن وأفضــــل لألـــمــى أســــيــــر

وقـريــب هيجينى الـيـوم اللى هانــول فيه الـتــحــــــريـــر

ولا يمكن يوم تانى ارجع مبسوط زى باقى إخواتى الحمير

مايكل مكرم