بكرهك يا نفسى

اخدتينى منى بالعفية.. ولسة بتخدينى..

خدتى منى شكلى وجسمى وكيانى

ارجوكى سيبينى، ابعدى ايدك عنى

مش عايزة اسمع نبضات قلبك

نشلتينى من نفسي، عريتى فيا كل حاجة متغطية

كشفتينى قدامى، وردمتينى مكانى، صوت نبضك فى ودانى

رعش..رعش مالى جسمى وكيانى، ابعدى.. مش عايزة اشوفك تانى

الجو برد.. برد اوى، اعصابى.. تاهت وياكى

مش عارفة اقف.. شيلينى!

ارجوكى... ساعدينى.. غطينى.. لبسينى..

ومتودينيش هناك تانى

ارجوكى ارحمينى!!

نفسي اغرقك .. مش بس اقلعك!

نفسي اخرجك، من جوه جسمك

اعريكى واكشفك.. المسك.. وادوس جامد واكسرك

واخد منك لذتى، برقة اخدشك.. اقف عليكى واوجعك !

اوقفك قدامك وافرجك، كل جزء من جسمك بيكسفك !

احاول احسسك.. ان دى حققتك ومنظرك

ايوه ده انت..

خايفة ليه.. متجريش وجربى.. مدى ايدك واستمتعى..

المسى، واشبعى.. غنى مع نبضك واضحكى..!

هى دى نفسك.. بس من غير لبسها

بالعفية بالزوق هتخضعى..، هتبصي عليها وتسمعى

هاخدها منك.. بس انت هتتفرجى ، منغير متسيطرى ولا حتى تصوتى !

ماتنكريش انك مستمتعه.. حاولى تهدى وتتشجعى..

اه.. يا نفسي.. ابعدى!!

مش قادرة اصارع معاكى.. ارجوكى ابعدى

نَفسي خلص، وصوتى اتنبح.. طاقتى خلصت وعضلاتى اترخت

ارجوكى، ارجوكى ابعدى.. دارينى واسترينى من نظرتى

عايزة غطى.. عايزة اتردم.. عايزة البس هدومى واتستر

شكلى وحش.. مش عايزة اشوف منظرى

رجلى بتترعش..!

مش قادرة اقوم ولا اتسند، نسينى منظرى، محتاجة اختفى

مش قادرة اقف او اتفرد، عجزى انكشف، كسرى التهب

مش قادرة ابص او التفت

ارجوكى.. انا محتاجة اتشفى..

جرحى اتفتح.. دمى انفجر فى كل كيانى وانتشر

اغسيلينى، طهرينى..

ريقى نشف.. قلبى اترعش، نجستينى ووسختينى..

بضيع وببعد والمرة الجية مش هتنجد

ابعدى بقى عنى، انا بكرهك.. وجعتينى ، دنستينى وكسرتينى

مش هصقدك ولا عمرى هسمعك

ابعدى.. مش عايزاكي تانى فيا، جرحتينى ، عرتينى وسرقتينى !

تهت واتلغبط، مفيش صدق واتنجست!

ابعدى عندى.. انا ضعت.. مش عايزاكى، مش طايقاكى..

انا بكرهك..

بكرهك!

The Beautified